ريهام السهلى عن توليها مهمة شبكة قنوات دى إم سى: مسئولية كبيرة ومهمة مش سهلة

كتب محمد شرقاوى

الأربعاء، 09 أغسطس 2023 12:17 ص

قالت الإعلامية ريهام السهلى تعليقا على توليها رئاسة شبكة قنوات دى إم سى: “مسئولية كبيرة ومهمة مش سهلة.. ومهتمة جدا وشاكرة لثقة المتحدة فى تولى المنصب.. ولازم أبذل أقصى جهد عندى.. ومستعدة لمنصب شبكة قنوات دى إم سى بكل الجديد”. 

وأضافت خلال مداخلة هاتفية مع الإعلامى يوسف الحسينى عبر برنامجه التاسعة المذاع على القناة الأولى المصرية: “هيتم التنسيق مع الإدارة بالقناة ونشوف المطلوب واللى نقدر نشتغل عليه فى تطوير القناة.. بعمل فى النيل تى فى منذ 1993، وكنت بجتهد وبعمل شغلى بضمير.. ومكنتش متوقعة المنصب ده ولا خطر على بالى.. ولكن كل وقت بتقدر.. وفيه ناس كويسة فى الشركة المتحدة بتقدر جهدى، وبقدم الشكر للشركة المتحدة للخدمات الإعلامية والعاملين عليها”. 

وتابعت: “من 2014 حتى اليوم نرى أن هناك تقديرا للمرأة المصرية.. والست قوية بتشيل وبتقدر فى أعلى المناصب.. وشايفة السيدات واخدين حقهم فى البلد.. والست المناسبة فى المكان المناسب”.